Cwsmeriaid sydd ag anghenion,cyflyrau neu amgylchiadau penodol

Help sydd ar gael

Gallwch gael cymorth ychwanegol os yw eich cyflwr iechyd neu amgylchiadau personol yn ei gwneud yn anodd ichi gysylltu â Chofrestrfa Tir EF, er enghraifft, efallai bydd angen cymorth ychwanegol arnoch:

Os oes gennych ddyslecsia, awtistiaeth neu anawsterau gwybyddol
Os oes gennych lai o symudedd neu anableddau corfforol
Os oes gennych anableddau synhwyraidd, fel nam ar y golwg, y clyw neu’r lleferydd
Os oes gennych gyflyrau iechyd meddwl, fel iselder, straen neu or-bryder
Os oes gennych gyflwr arall sy’n gwneud print safonol neu lenwi ffurflenni’n anodd
Os oes angen gwybodaeth mewn fformat gwahanol fel braille neu brint bras arnoch
Os oes angen gwybodaeth mewn iaith arall arnoch

Gallwn ddarparu cymorth:

Os na allwch ddefnyddio ffôn a bod angen ffordd wahanol i gysylltu â Chofrestrfa Tir EF arnoch
Os oes angen gwybodaeth mewn fformat gwahanol arnoch
Os oes angen help i lenwi ffurflenni arnoch
Os oes angen gwybodaeth mewn iaith arall arnoch
Os oes angen i rywun i siarad â Chofrestrfa Tir EF ar eich rhan

Er mwyn ein helpu i ddeall y ffordd orau i’ch cefnogi

Dywedwch wrthym pa fath o gymorth sydd ei angen arnoch neu ba wybodaeth hoffech chi ei chael
Rhowch gymaint o wybodaeth ag y teimlwch yn gyfforddus yn ei rhoi, ynghyd â gwybodaeth am unrhyw dechnoleg gynorthwyol neu addasol y gallech ei defnyddio.

Oherwydd natur a fformat y dogfennau sydd gennym, sylwer efallai bydd cyfyngiadau o ran darparu dogfennau/gwybodaeth mewn rhai fformatau eraill.

Cyfyngiadau statudol

Efallai gallwn ddarparu copi o ffurflen gais mewn braille, ond ni allwn dderbyn ffurflen mewn braille yn unig gan ei bod yn rhan o gofnod parhaol y teitl, felly mae angen iddi fod yn hygyrch i gwsmeriaid yn y dyfodol.

Ni allwn lenwi ffurflenni ar eich rhan.

Cyfyngiadau technolegol

Mae’r rhan fwyaf o ddogfennau modern (gan gynnwys y ffont safonol a ddefnyddiwn mewn gohebiaeth a anfonir gennym) yn cael eu creu gan ddefnyddio technoleg y gellir ei darllen gan dechnoleg gynorthwyol. Fodd bynnag, mae llawer o hen ddogfennau trawsgludo sydd gennym yn ddelweddau wedi eu sganio na ellir eu darllen gan y dechnoleg berthnasol.

Cyfyngiadau ariannol

Os ydych am gael rhywbeth mewn fformat gwahanol, byddwn yn anelu at ei ddarparu. Fodd bynnag, weithiau, rhaid inni ddefnyddio cyrff allanol i ddarparu dogfen mewn fformat gwahanol ac mae cost ynghlwm wrth hynny. Rhaid inni ddeall angen y cwsmer yn gyntaf cyn cytuno, gan mai ni sy’n ysgwyddo unrhyw gostau fel arfer.

*Bydd unrhyw wybodaeth a ddarperir yn cael ei rheoli yn unol â’n Siarter Gwybodaeth Bersonol.

Ar ôl cael eich cais, bydd aelod o’n Tîm Cymorth Ychwanegol yn cysylltu â chi i drafod sut gallwn eich helpu.

I gysylltu â ni, cliciwch ‘Nesaf’